- Advertisement -

لاکھ دیکھے حسین چہرے تو

ایک اردو غزل از شبیرنازش

لاکھ دیکھے حسین چہرے تو
ایسی حالت نہیں تھی پہلے تو

اِک نظر دیکھنے پہ یہ عالم
اِک نظر اور دیکھ لیتے تو؟

وہ تو ہم نے تمہیں سنبھال لیا
ہم بھی گر ہوش میں نہ ہوتے تو؟

کس کی صحبت کا رنگ لے بیٹھے
آپ ایسے نہیں تھے پہلے تو

میں ہوں کیا؟ آئنہ پگھل جائے
تو اگر آنکھ بھر کے دیکھے تو

شبیرنازش

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از شبیرنازش