جس نوں چُوٹھ دی مندی عادت ہو جاوے
اوس دی ذات اخیر مُصیبت ہو جاوے
جو سُن کے تُوں پہلاں وی گھبرایا سی
اوہو جئی اک ہور بُجھارت ہو جاوے
ہر واری سر کھَے میرے ہی آئی اے
مینوں وی اس وار نصیحت ہو جائے
ربا ! جِس نوں اپنا کرنا چاؤنی آں
اوہنوں میرے نال محبت ہو جاوے
ڈھولا جد توں کھِڑ کھِڑ ہنس کے تکداں ایں
میری چاہ چ ہور وی برکت ہو جاوے
رب نوں راضی کرنا کہڑا اوکھا اے
توں بس ماپے ویکھ عبادت ہو جاوے
مینوں چھڈیا کہہ کے!! دھوکے باز ایں توں!
تیری دساں؟؟ تینوں حیرت ہو جاوے
بھانبڑ بلدا روح دے وچ وچھوڑے دا
ماہی پھیرا مار !! جے فرصت ہو جاوے
دل دے بارے سنیاں عشق دی محلے وچ
ٹوٹے ہون تاں ہور وی قیمت ہو جاوے
راتی فارحہ سُفنے وِچ او میرا سی
کاش اے سُفنا مرا حقیقت ہو جاوے
فارحہ نوید