- Advertisement -

ایک طوفان ہے ، ٹالا نہیں جا سکتا

ایک اردو غزل از محمود کیفی

ایک طوفان ہے ، ٹالا نہیں جا سکتا
یاد کو دل سے نکالا نہیں جا سکتا

اب تِری دید کی خواہش ہے اِن آنکھوں میں
اب اِن آنکھوں سے اُجالا نہیں جا سکتا

میرے کِردار کے باعث ہے مِری عزت
میری پگڑی کو اُچھالا نہیں جا سکتا

کسی ظالم کو محبت نہیں ہو سکتی
کسی پتھر کو اُبالا نہیں جا سکتا

تُو ہے انسان ، خدائی کا نہ دعویٰ کر
تجھ سے تو خود کو بھی پالا نہیں جا سکتا

آتشِ عشق ہے ، کس طرح بُجھے یہ کیفی
اِس پہ پانی بھی تو ڈالا نہیں جا سکتا

(محمود کیفی)

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از محمود کیفی