- Advertisement -

ایک سفر کے دوران

An Urdu Nazam By Munir Niazi

ایک سفر کے دوران

ان بلند اور دُور تک پھیلے ہوئے پیڑوں کے اوپر
آسماں ہے دُور تک
درمیاں میں راستہ ہے، گلستاں ہیں دُور تک
چھوٹے چھوٹے گھر ہیں اور چاروں طرف
کھانے پینے کی دکانیں دُور تک

ان گھروں اور ان دکانوں میں
بہت سے آتے جاتے لوگ ہیں
ان کو تکتی خوبصورت عورتیں
دل نشیں اور مہرباں آنکھیں ہیں ان کی
دل نشیں اور اجنبی آنکھیں ہیں
جن میں رائگانی کا جہاں ہے دُور تک

منیر نیازی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu Nazam By Munir Niazi