اردو غزلیاتشعر و شاعریقابل اجمیری

دن چھپا اور غم کے سائے ڈھلے

قابل اجمیری کی اردو غزل

دن چھپا اور غم کے سائے ڈھلے

آرزو کے نئے چراغ جلے

ہم بدلتے ہیں رخ ہواؤں کا

آئے دنیا ہمارے ساتھ چلے

لب پہ ہچکی بھی ہے تبسم بھی

جانے ہم کس سے مل رہے ہیں گلے

دل کے ان حوصلوں کا حال نہ پوچھ

جو ترے دامن کرم میں پلے

کون یاد آ گیا اذاں کے وقت

بجھتا جاتا ہے دل چراغ جلے

مصلحت سرنگوں خرد خاموش

عشق کے آگے کس کی دال گلے

قابل اجمیری

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button