- Advertisement -

Yahan Boht Hain Malala

An Urdu Ghazal By Saud Usmani

وہ روشنی ہے سو اس کا حوالہ ایک نہیں

یہاں بہت ہیں ملالہ ، ملالہ ایک نہیں

سیاہ شب کے افق تاب روزنوں کی قسم

بہت سی روشنیاں ہیں اجالا ایک نہیں

یہ کہکشاں ، یہ ستارے ، یہ چاند ، یہ سورج

دیارِ نور میں نازوں کا پالا ایک نہیں

مہ تمام ، زمیں کو نگاہ بھر کے تو دیکھ

جو اس کے گرد بنا ہے وہ ہالہ ایک نہیں

یہ سب پسند کے مظلوم چُن رہے ہیں سعو د

ستم تو یہ ہے ستم کرنے والا ایک نہیں

سعود عثمانی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu nazam by Saud Usmani