- Advertisement -

اپنا ہونا بنا رہا ہوں میں

طارق جاوید کی ایک اردو غزل

اپنا ہونا بنا رہا ہوں میں
دل سے دنیا بنا رہا ہوں میں

ایک دھڑکا لگا ہے سینے کو
ایسا بھی کیا بنا رہا ہوں میں

دل کو بیلہ بنایا اب اس پر
ہیر رانجھا بنا رہا ہوں میں

رد میں کرتا ہوں سب رویوں کو
رستہ اپنا بنا رہا ہوں میں

پہلے کاغذ پہ پیاس لکھا تھا
اس پہ صحرا بنا رہا ہوں میں

طارق جاوید

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
طارق جاوید کی ایک اردو غزل