شعر و شاعری

اچانک کس کو یاد آئی ہماری

کاشف حسین غائر کی ایک اردو غزل

اچانک کس کو یاد آئی ہماری
کہانی کس نے دُہرائی ہماری

چلو، آیا نہ آیا جانے والا
صدا تو لوٹ کر آئی ہماری

گذشتہ شب ہَوا سے گفتگو کی
چراغوں نے قسم کھائی ہماری

نظر آیا ہے وہ بیمار اپنا
کھُلی جس پر مسیحائی ہماری

تری خوشبو سے ہے آباد اب تک
یہ باغِ دل، یہ انگنائی ہماری

زمیں آباد ہوتی جا رہی ہے
کہاں جائے گی تنہائی ہماری

کاشف حسین غائر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button