- Advertisement -

Zameenein Sub Teri Ya Rub

A Hamd By Dr Nighat Naseem

زمینیں سب تری یا رب ہیں سارے آسماں تیرے

تو خالق سب کا ہے لاریب ہیں سارے جہاں تیرے

ہر اک جانب سے آتی ہے صدا تیری ہی تسبیح کی

ہیں خوشبوئیں تری ہیں گل ترے ہیں گلستاں تیرے

اگر چہ شک نہیں اس میں خدایا بے نشاں ہے تو

جدھر دیکھوں وہاں پر ہیں مرے خالق نشاں تیرے

بھنور تیرے ترے طوفاں ترے دریا ترے ساحل

شجر تیرے حجر تیرے یہ بحر بے کراں تیرے

تو ظاہر میں تو باطن میں تو سوچوں میں ارادے میں

جو پوشیدہ ہے سب تیرا نہاں تیرے عیاں تیرے

محمد ہے ترا محبوب تفسیرِ کتاب اللہ

جلی آیات قرآں ہیں حقیقت میں بیاں تیرے

دلیل اک یہ ہی نگہت ہے خدائی کی بہت کافی

خدایا لا مکاں ہے تو مگر سارے مکاں تیرے

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
Naat Mubaraka (SAWW) By Nighat Naseem