- Advertisement -

Shaheed Karbala Hazarat Hussain Ibn E Ali

An Urdu Ghazal By Saud Usmani

گزر چلی ہے شبِ دل فگار آخری بار

بچھڑنے والے ہیں یاروں سے یار آخری بار

دمک رہا ہے سحر کی جبیں پہ بوسۂ شب

تھپک رہی ہے صبا روئے یا ر آخری بار

ذرا سی دیر کو ہے پتّیوں پہ شیشۂ نم

گزر رہی ہے کرن آر پار آخری بار

یہ بات خیموں کے جلتے دیئے بھی جانتے ہیں

کہ ہم کو بُجھنا ہے ترتیب وار آخری بار

کسی الاؤ کا شعلہ بھڑک کے بولتا ہے

سفر کٹھن ہے مگر ایک بار، آخری بار

سُموں سے اُڑتی ہوئی ریگِ دشت ڈھونڈتی ہے

غبار ہوتے ہوئے شہسوار آخری بار

کسی قریب کے ٹیلے پہ راہ دیکھتی ہے

مدینہ جاتی ہوئی رہ گزار آخری بار

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu Ghazal By Saud Usmani