صحرائے بے نوا سے یہ آیا مجھے پیام

صحرائے بے نوا سے یہ آیا مجھے پیام
نے اہتمامِ آہ و فغاں ہے نہ ننگ و نام

جز پستیِ خرد کے نہیں رفعتِ زماں
اُفتادگی میں فقر مسلسل بلند گام

نظارہِ جہانِ فنا دور ہی سے کر
ورنہ فریبِ چشم نگل جائے گا دوام

اِس کو گِرا کے دیکھ، حقیقت ہے روبرو
دنیا ہے درمیان فقط اک فصیلِ خام

تو پشتِ اختراں مرو منزل دروں تلاش
گم گشتہِ جہان گہِ سوئے خود خِرام

یہ تنگیِ مزاج کہ محدود کر گئی
کرتا ہے خار و خس پہ قَناعت چمن تمام

چشمِ حقیر میں ہے محقّر سرِ نگاہ
چشمِ بصر میں ذرہ بھی کوہِ بلند و بام

ہر اک وجود ہے ترا ہر رخ ترا ہی رخ
آئینہ خانہ دہر میں لُوں کس سے انتقام

یہ رہ گزارِ ہست ہے ہر گام امتحان
ہر رہ سرا پہ ہے طلبِ مستقل قیام

شعر و سخن سمجھ نہ اسے ماجرا ہے اور
اپنے تصوّرات نہیں یوں بھی بے لگام

فرید احمد دیو