- Advertisement -

Log Chup Chap Rawan Han

An Urdu Ghazal By Saud Usmani

لوگ چپ چاپ رواں ہیں ہر سمت

جس طرح نیند میں چلنے والے

سانس لینے کو ابھرتی ہے زمیں

کچھ جزیرے ہیں نکلنے والے

دیکھ سیال شفق کی جگمگ

جس طرح رنگ پگھلنے والے

کھوٹ کی طرح الگ ہو گئے لوگ

ہم تھے اک آگ میں جلنے والے

رنگ پوشاک سے اڑ جاتے ہیں

یہ پرندے نہیں پلنے والے

اے ہتھیلی پہ دھرے انگارے

ہم نہیں ہاتھ بدلنے والے

سعود عثمانی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu Ghazal By Saud Usmani