آپ کا سلاماردو غزلیاتشعر و شاعریفرح گوندل

خدا کو اک طرف

فرح گوندل کی ایک اردو غزل

خدا کو اک طرف خدا کی دلکشی کو اک طرف
ٹٹولتی رہی میں اپنی بے بسی کو اک طرف

بس ایک ڈائری سنوارنے میں رات کٹ گئی
کبھی خوشی کو اک طرف کبھی غمی کو اک طرف

انہیں بتائیے کہ شاعری عطا ہے ، روگ نئیں
جو لوگ لے گئے ہیں میری شاعری کو اک طرف

مجھے ڈراۓ جا رہی تھی موت موت کی صدا
پٹخ دیا اٹھا کے میں نے زندگی کو اک طرف

یہ چاروں اور دیکھتی ہے کھوجتی ہے چار سو
لگائیے جی دھیان میں اس آگہی کو اک طرف

فرح گوندل 

فرح گوندل

نام فرح گوندل ، سکونت اسلام آ باد- پیدائش ملکوال منڈی بہاوالدین- تعلیم ایم فل اردو

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button