آپ کا سلاماردو غزلیاتشعر و شاعری

ہم نے پایا گمان سے بڑھ کر

نصرت جعفری کی ایک غزل

ہم نے پایا گمان سے بڑھ کر
روٹی ، کپڑا ، مکان سے بڑھ کر

ہم جسے مدرسہ سمجھتے تھے
وہ نہ تھا ، اک دکان سے بڑھ کر

لطف عزت کی دال روٹی کا
شہد اور زعفران سے بڑھ کر

ہم کو انسانیت مقدم ہے
رنگ و نسل و زبان سے بڑھ کر

زندگی کچھ نہیں ، یقیں جانو!
کمرۂ امتحان سے بڑھ کر

ہیں رکاوٹ مفاد کے ساتھی
راہ کی ہر چٹان سے بڑھ کر

کچھ بھی خالص نہیں زمانے میں
جذبۂ نوجوان سے بڑھ کر

آج کل کوئی بھی نہیں بد دل
ملک بھر میں کسان سے بڑھ کر

رب نے اکثر عطا کیا نصرت
ہم فقیروں کو ، شان سے بڑھ کر

نصرت جعفری

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button