اردو غزلیاتباقی صدیقیشعر و شاعری

دل دھڑکتا ہے جام خالی ہے

باقی صدیقی کی ایک اردو غزل

دل دھڑکتا ہے جام خالی ہے
کوئی تو بات ہونے والی ہے

غم جاناں ہو یا غم دوراں
زیست ہر حال میں سوالی ہے

حادثہ حادثے سے روکا ہے
آرزو آرزو سے ٹالی ہے

ٹوٹ کر دل ہے اس طرح خاموش
ہم نے گویا مراد پا لی ہے

کیا زیاں کا گلہ کریں باقیؔ
کچھ طبیعت ہی لا ابالی ہے

باقی صدیقی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button