بزمِ نشاطِ خاص میں ان کا وقار، زین

بزمِ نشاطِ خاص میں ان کا وقار، زین
اک راز تھا گھڑی میں ہوا آشکار زین

دو دن ہی لے کے آئے تھے حق سے اُدھار زین
وہ بھی انھی پہ کرتے ہیں کیوں انحصار زین

پوچھا، مجھے تلاش کرو گے، جواب تھا
تیری طرح کے دیکھ چکا بے شمار زین

بے سمت چل پڑے ہیں، ارادہ اُدھر کا ہے
نیت پہ ہی عمل کا ہے دارومدار زین

اک بار مل گیا تمھیں تو قدر بھی کرو
ملتا نہیں کسی کو یہاں بار بار زین

پوچھا کسی نے کون ہے دل میں دماغ میں
اُس کے لبوں پہ آ گیا بے اختیار زین

زین علی آصف