ٹانگوں میں سوجن،پٹھوں کی کمزوری سستی

ٹانگوں میں ہلکی ہلکی سوجن۔ پٹھو ں کا سخت ہو نا۔ یعنی اٹھنے بیٹھنے میں تکلیف محسوس ہو۔ جسم میں نقاہت یا سستی۔ ایسی علامتیں بڑی عمر والے لوگوں میں نظر آتی ہیں۔انہیں نظر انداز نہیں کرنا چاہیئے۔ بعض اوقات ہائی بلڈ پریشر۔ شوگر یا گردے کے افعال میں کمی کے باعث بھی ہو سکتا ہے۔ اس کے علاوہ ٓآئرن کی کمی۔وٹامن ڈی کی کمی۔ روزانہ دھوپ میں کم از کم 15منٹ بیٹھیں۔جسم میں پانی کی کمی اور نمک کی زیادتی بھی جسم میں سوجن کا سبب بنتی ہے۔
طب نبوی اس بارے میں ہمیں کیا رہنمائی دیتی ہے
طب نبوی: کلونجی۔شہد۔کھجور اور زیتون کے بارے میں ارشاد ہے
کلونجی: رسول اللہ ﷺ نے فرمایا۔ موت کے علاوہ ہر بیماری کا علاج ہے۔جسمانی کمزوری اور سوزش میں انتہائی مفید ہے۔توانائی بڑھاتی ہے۔
شہد: قران پاک میں شہد کو شفاکہا گیا ہے۔ توانائی بڑھاتا ہے۔سستی کم کرتا ہے۔
زیتون کا تیل: پٹھوں کی کمزوری اور درد کو دور کرتا ہے۔
کھجور: فوری توانائی دیتی ہے۔ جسم کی کمزوری دور کرتی ہے۔
روزانہ کا مکمل پلان: صبح نہار منہ ایک چمچ شہدایک گلاس نیم گرم پانی میں۔5دانے کلونجی۔
ناشتہ: 3عدد کھجور۔ ایک ابلا انڈہ یا دلیہ، اگر چائے پینی ہے تو چینی کے بغیر یا شکر ڈال کر۔ کمزوری اور نکاہت دور کرتی ہے۔
دوپہر کا کھانا: سادہ غذا کا استعمال تندرستی اور توانائی پیدا کرتا ہے۔ دال۔ سبزی روٹی اور سلاد میں گاجر کھیرا۔دھنیہ پودینہ اور ادرک۔لہسن کا استعمال ضرور کریں۔
پرہیز: زیادہ نمک۔ٹھنڈے مشروبات اور تلی ہوئی چیزوں سے پرہیز کریں۔زیادہ گوشت۔ چینی بیکری والی غذائیں چائے کافی وغیرہ سے بچیں۔ تربوز ار پپیتا کا استعمال کریں۔
رات کا کھانا: ہلکی غذا سبزی اور یخنی وغیرہ۔سونے سے کم از کم دو گھنٹے پہلے کھانا کھا لیں۔کھانے کے آدھ گھنٹے بعد ہلکی واک کم از کم ہیس منٹ۔سونے سے پہلے زیتون کے تیل سے ٹانگوں کی مالش۔بستر پر ٹانگیں تھوڑی اونچی رکھیں۔ سوجن اور درد میں فائدہ ہو گا۔

منجانب: انجمن خیر الناس۔ لودھی سٹریٹ ٹبہ ککے زئیاں سیالکوٹ۔