A True Salam To Urdu Literature

Jo Mein Sooye Tayyaba

An Urdu Naat (SAWW) By Syed Ansar

ہدیہءنعت بحضور سرور کونین

جو میں سوئے طیبہ چلوں کبھی تو سفر میں ایسا کمال ہو
نہ ستائیں راہ کے پیچ و خم نہ بدن تھکن سے نڈھال ہو

مری خاک خشت میں ڈھال کر اسے چن دو روضہ ءپاک میں
نہ ہی فاصلوں کا گلہ رہے نہ جدائیوں کا ملال ہو

ترا عشق میرا خزانہ ہے ترا ذکر میری کمائی ہے
میں وہ دن نہ دیکھوں خدا کرے کہ مری طلب زر و مال ہو

سر خواب مجھ سے کہا گیا کہ یہ راز سب پہ عیاں کروں
جو نماز ہو تو حسین سی ہو اذاں تو مثل بلال ہو

سر عرش پل میں پہنچ گیا تری رفعتوں کی نظیر کیا
کوئی لائے تیرے جواب میں جو کسی کے پاس مثال ہو

جو دوام حرف کی بات کی تو ندائے غیب سنائ دی
تجھے وہ عروج عطا ہوا جسے حشر تک نہ زوال ہو

سید انصر

Leave A Reply

Your email address will not be published.

Recommended Salam
An Awarded Afsaana By Ghulam Abbas