- Advertisement -

کسی نے نہ دیکھا محمد ﷺ کا سایہ

منزّہ سیّد کی ایک اردو  نعت شریفﷺ

 نعت شریفﷺ
کسی نے نہ دیکھا محمد ﷺ کا سایہ
خدا نے انھیں سب سے ارفع بنایا

بہار آ گئی ان کی آمد کے صدقے
زمیں جھوم اٹھی اور فلک مسکرایا

انھیں سونپ کر انبیا کی امامت
فرشتوں پہ انساں کو برتر بنایا

زبور اور تورات و انجیل نے بھی
محمد کے آنے کا مژدہ سنایا

حبیبِ خدا نے کی ان پر بھی شفقت
جنھوں نے کدورت سے ان کو ستایا

وہ ختمِ نبوت ص وہ ختمِ رسالت ص
انھی ﷺ کے وسیلے سے اسلام آیا

دعا ہے یہی کہ محمد ﷺ کا کلمہ
ہو وقتِ نزع میرے لب پر خدایا

منزّہ سیّد

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
An Urdu Ghazal By Shakeel Badayuni