- Advertisement -

کھا کے سوکھی روٹیاں پانی کے ساتھ

عباس تابش کی ایک اردو غزل

کھا کے سوکھی روٹیاں پانی کے ساتھ

جی رہا تھا کتنی آسانی کے ساتھ

یوں بھی منظر کو نیا کرتا ہوں میں

دیکھتا ہوں اس کو حیرانی کے ساتھ

گھر میں اک تصویر جنگل کی بھی ہے

رابطہ رہتا ہے ویرانی کے ساتھ

آنکھ کی تہ میں کوئی صحرا نہ ہو

آ رہی ہے ریت بھی پانی کے ساتھ

زندگی کا مسئلہ کچھ اور ہے

شعر کہہ لیتا ہوں آسانی کے ساتھ

عباس تابش

  1. طارق اقبال حاوی کہتے ہیں

    بہترین انتخاب

آپ کا ای میل ایڈریس شائع نہیں کیا جائے گا.

سلام اردو سے منتخب سلام
مشتاق احمد یوسفی کی مزاحیہ تحریر