اَج گُندایاں نیں مَیں مینڈھیاں
سُوہا تے ساوا میرا دیس نی
اکھاں نے دوویں اَج ڈُلھ پیاں
نی میں چلی بِگانے دیس نی
لاویں تے لاویں نی کلیجے دے نال مائے
دسّیں تے دسّیں اک بات نی
باتاں تے لمّیاں نی دھیاں کیویں جمیاں نی
اج وچھوڑے والی رات نی
رکھیں نی رکھیں سانوں اج دی رات مائے
رکھے تے رکھے کئی سال نی
پنچھی نُمانے اَج اُڈ چلے مائے
سدا وسّن تیرے ڈال نی
چرخے جو ڈاہنی آں میں چھوپے جو پانی آں میں
پڑھیاں والے میرے کھیس نی
پُتراں نُوں دِتّے اُچّے محل تے ماڑیاں
دھیاں نوں دِتّا پردیس نی
اَج گُندایاں نیں مَیں مینڈھیاں
سُوہا تے ساوا میرا دیس نی
اکھاں نے دوویں اَج ڈُلھ پیاں
نی میں چلی بِگانے دیس نی
امرتا پریتم
