- Advertisement -

Lau Aa Gaye Lau Aa Gaye

A Beautiful Natia Kalaam

لو آ گئے لو آ گئے سر کارﷺ آ گئے

بگڑی بنانے سیدِ ابرارﷺ آ گئے

آنکھیں تھیں بند اور مقدر چمک اٹھا

آنکھوں میں دو جہان کے سردارﷺ آ گئے

دیکھا جسے تو ہو گیا اللہ کا یقیں

قدرت کا لے کے آپ وہ شاہکار آ گئے

دائی حلیمہ تو نے پایا ہے وہ مقام

جھولے میں تیرے نبیوں کے سردارﷺ آ گئے

جس نے کیا ہے آن میں ظلمت گری کو دور

سرکارﷺ کے کرم سے وہ انوارﷺ آ گئے

مکے کے ریگزارو پہ بھی چھا گئی بہار

دامن میں لے کے اپنے وہ گُلزار آ گئے

دیکھا رسولِ پاکﷺ کو کفار کہہ اٹھے

صادق امینﷺ صاحبِ کردارﷺ آ گئے

کونین کی فضاؤں میں اِک نور چھا گیا

دنیا میں غم کے ماروں کے غمخوارﷺ آ گئے

میری نگاہِ شوق بھی سجدے میں گر گئی

جب سامنے وہ گنبد و مینار آ گئے

میں نے کیا جو ورد درود و سلام کا

جلوہ دکھانے احمدِ مختارﷺ آ گئے

اعظم نے جب حضور کو دیکھا بروزِ حشر

اِس کے لبوں پہ نعت کے اشعار آ گئے

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
نعت بحضور سرورِ کائنات صلی اللہ علیہ وسلم