SalamUrdu.Com
A True Salam To Urdu Literature

Yeh Aqsar Talkh Kaami Sy

یہ اکثر تلخ کامی سی رہی کیا
محبت زک اٹھا کر آئی تھی کیا

نہ کثدم ہیں نہ افعی ہیں نہ اژدر
ملیں گے شہر میں انسان ہی کیا

میں اب ہر شخص سے اکتا چکا ہوں
فقط کچھ دوست ہیں اور دوست بھی کیا

یہ ربط بے شکایت اور یہ میں
جو شے سینے میں تھی وہ بجھ گئی کیا

محبت میں ہمیں پاس انا تھا
بدن کی اشتہا صادق نہ تھی کیا

نہیں ہے اب مجھے تم پر بھروسا
تمہیں مجھ سے محبت ہو گئی کیا

جواب‌ بوسہ سچ انگڑائیاں سچ
تو پھر وہ بیوفائی جھوٹ تھی کیا

شکست اعتماد ذات کے وقت
قیامت آ رہی تھی آ گئی کیا

Subsribe Our Newsletter
Subsribe Our Newsletter
SalamUrdu.Com is an unique urdu portal which provides you Urdu Poetry,Urdu Afsaanay,Urdu essays,Urdu manzoomat,Urdu Funny Writings And Much More...Subscribe And Get Free Updates.
You can unsubscribe at any time

Leave A Reply

Your email address will not be published.

Recommended Salam
a Urdu Ghazal By Juan Elia