اسلامی گوشہنعتیہ کلام ﷺ

میں ریگ زار تھا چمک اٹھا درِ حضورِﷺ سے

ایک اردو نعتﷺ از بلال اسعد

میں ریگ زار تھا چمک اٹھا درِ حضورﷺ سے
مدام ہے جو فیض بھی ملا درِ حضورﷺ سے

کہ بے مراد و بے ثمر نہیں ہے اب مرا شجر
مری دعاؤں کا ہے سلسلہ درِ حضورﷺ سے

بھٹک رہی ہے کیوں یہاں وہاں زمیں ، زمان میں
ہر ایک ہوگا حل معاملہ درِ حضورﷺ سے

یہ لطف آرہا ہے جو مناظرِ حیات میں
ہوئی مری نگاہ آئنہ درِ حضورﷺ سے

جھجک رہے ہیں راستے میں اس لئے مرے قدم
کہ مٹ رہا ہے میرا فاصلہ درِ حضورﷺ سے

دریچہ ء گمان کِھل اٹھا درود کے سبب
غبار چھٹ گیا نگاہ کا درِ حضورﷺ سے

سحاب رحمتوں کا ہو مدام اس پہ عمر بھر
بلال جس کا بھی ہو واسطہ درِ حضورﷺ سے

بلال اسعد

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button