- Advertisement -

ہماری مٹی ہماری غیرت کا مسئلہ ہے

ایک اردو غزل از صغیر احمد صغیر

ہماری مٹی ہماری غیرت کا مسئلہ ہے
یہ مسئلہ بھی ہمیں قیامت کا مسئلہ ہے

کوئی حسد ہے نہ ہم تقابل میں پڑ رہے ہیں
تمہارے دل کی ہمیں رعونت کا مسئلہ ہے

مرے وطن تجھ پہ رب کی ساری نوازشیں ہیں
جو ابتدا سے ہے بس قیادت کا مسئلہ ہے

میں کج ادائی سے تنگ آیا ہؤا ہوں لیکن
اسے لگا ہے مجھے طبیعت کا مسئلہ ہے

کسی کو غم ہے جو بادشاہت ہے اب بھی کم ہے
کسی کو بچوں کی سالمیت کا مسئلہ ہے

غریب ملکوں کو آدمیت سکھانے والو
تمہارے گھر میں ہی آدمیت کا مسئلہ ہے

انہیں بتاؤ جو امن کا درس دے رہے ہیں
ہمیں تمہاری ہی بربریت کا مسئلہ ہے

"ہر اک وبا کی دوا ہے” سب جانتے ہیں لیکن
صغیر لوگوں کو ہے جو نیت کا مسئلہ ہے

صغیر احمد صغیر

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از صغیر احمد صغیر