آپ کا سلاماردو غزلیاتشعر و شاعریعشبہ تعبیر

صعوبتیں ہیں جو مجھ پر رواسمجھتی ہوں

عشبہ تعبیر کی ایک اردو غزل

صعوبتیں ہیں جو مجھ پر رواسمجھتی ہوں
انہیں میں اپنے خدا کی عطا سمجھتی ہوں

ہزار غم بھی اٹھاؤں کسی کی خاطر میں
خدا کا شکر ہے اسکو غذا سمجھتی ہوں

بھٹک بھی جاؤں اگر میں سیاہ راہوں میں
تو تیرگی کو ہی اپنا دیاسمجھتی ہوں

مرےتو سر پہ نوازش ہے میرے خالق کی
بھلا میں حاسدِ دنیا کو کیاسمجھتی ہوں

مجھے بھی دی ہے خدا نے ذراسی عقل و فہم
خدا کے فضل سے اچھا براسمجھتی ہوں

اگر وفاؤں کا جذبہ ہو صرف ہمدردی
محبتوں میں اسے بھی جفا سمجھتی ہوں

اگر چہ زخم هو ناسور کی طرح میرا
تمہارا دیکھنا جاناں شفا سمجھتی ہوں

عجیب بات ہےعشبہ مرے ستمگرکو
برا زمانہ کہے میں بھلا سمجھتی ہوں

عشبہ تعبیر

عشبہ تعبیر

صحافی رپورٹر مترجم محقق و پروف خوان دو برس ایک ادارے میں بطور رپورٹر و پروف ریڈر کے فرائض سرانجام دیے ۔۔اشتہار کاری کے ادارے میں بھی بحیثیت ایڈیٹر کام کیا بعد از ترک ِ ملازمت اردو ادب کی ترویج میں مشغول ہوگئی اور تحت الفظ سیکھنے پر توجہ مرتکز کی ساتھ ہی تدریسی امور پر بھی فائز رہی ۔۔دربار ِ سخن میں قدم رکھا اور شاعری کے میدان میں اپنی تخلیقی صلاحیتوں کو فروغ دینے کی کوشش کی۔ ۔۔زندگی کی تگ و تاز جاری ہے ۔۔۔متعدد ادبی فورمز میں بطور ممبر اور منتظم بھی کام کرتی رہی ہوں جس میں معروف ادبی فورمز قابلِ ذکر ہیں کنج ادب انٹرنیشنل ، عشق نگر اردو شاعری ، ہفت روزہ فیس بک تائمز جیسی گراں مایہ تنظیموں کا حصہ ہوں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button