آپ کا سلاماردو غزلیاتشعر و شاعریکاشف حسین غائر

جاؤں جس سمت اِجازت ہے مجھے

کاشف حسین غائر کی ایک اردو غزل

جاؤں جس سمت اِجازت ہے مجھے
دشت میں کتنی سہولت ہے مجھے

اُن مکینوں کا سلوک اپنی جگہ
در و دیوار پہ حیرت ہے مجھے

تم بھی مصروف نظر آتے ہو
میں بھی چلتا ہوں کہ عجلت ہے مجھے

میں ہَوا میں جو اُڑا پھرتا ہوں
غالباً خاک سے نسبت ہے مجھے

یاد رکھتا ہوں جہاں لوگوں کو
بھول جانے کی بھی عادت ہے مجھے

کام کچھ آن پڑا ہے ایسا
ورنہ کیا دل کی ضرورت ہے مجھے

زندگی تجھ سے ترے بارے میں
پوچھ سکتا ہوں اِجازت ہے مجھے؟

کاشف حسین غائر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button