آپ کا سلاماردو نظمشعر و شاعریمنیر جعفری

ابھی روشنی حاملہ ہو رہی ہے

منیر جعفری کی ایک اردو نظم

ابھی روشنی حاملہ ہو رہی ہے

قسم ہے تمھارے توجہ بھرے جسم کی
میں ابھی ارتقائی مراحل میں ہوں
جب کبھی
جستجو کا شرارا بجھے گا
زمیں سے ملے گا
سمندر کا دوجا کنارا

اگر گرد بیٹھے تو پردہ اٹھاؤں
خدا کے بدن سے
سنبھالو ابھی کچھ برس اپنے بوسے
مرے ہونٹ
پیچھے کسی جھیل پر رہ گئے ہیں

ابھی وقت کم ہے
زمیں کاٹ لی ہے
فلک بانٹ کر
کچھ ستاروں کو مٹھی میں لینا ہے
دو چار جنگوں کی دوری پہ ہیں
وصل کی کائناتیں

ابھی روشنی حاملہ ہو رہی ہے
چراغوں کی لو اپنے سینے کی ڈھلوان میں
روک رکھو

میں زرا
یہ بقا کی پہاڑی اتر لوں
تو ملتا ہوں تم سے

منیر جعفری

سائٹ منتظم

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

ایک تبصرہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

سلام اردو سے ​​مزید
Close
Back to top button