آپ کا سلاماردو غزلیاتشعر و شاعریکاشف حسین غائر

کیا کہیں اَور دل کے بارے میں

کاشف حسین غائر کی ایک اردو غزل

کیا کہیں اَور دل کے بارے میں
ہم ملازم ہیں اِس ادارے میں

اک نظر میرے دیکھ لینے سے
کیا کمی آ گئی نظارے میں

بس کہ خود پر یقین ہے اپنا
کیا کہیں اور خدا کے بارے میں

روشنی منتقل ہوئی کیسے
اِس ستارے سے اُس ستارے میں

کیا حقیقت ہے کارِ دُنیا کی
کیا منافع ہے اِس خسارے میں

کاشف حسین غائر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button