آپ کا سلاماردو شاعریاردو غزلیاتحافظؔ زین العٰابدین
حال دل کا تمہیں سنائیں کیا
حافظؔ زین العٰابدین کی ایک اردو غزل
حال دل کا تمہیں سنائیں کیا
بے خبر ہو تو مسکرائیں کیا
سَر ٹکایا ہے تم نے شانے پر
تھک گئے ہو تمہیں سلائیں کیا
دل پڑا ہے زمین پر اپنا
راکھ سی ہے اسے اٹھائیں کیا
آتشِ جاں میں جل گئے ارماں
کچھ بچا نہ اِسے بجھائیں کیا
ایک ہی شخص کو دلِ ناداں
دوسری بار آزمائیں کیا
حافظؔ زین العٰابدین