زمرے: آپ کا سلاماردو غزلیاتشعر و شاعریکلیم احسان بٹ

کس قدر مشکلات سے گزرا

کلیم احسان بٹ کی ایک اردو غزل

کس قدر مشکلات سے گزرا
میں تری کائنات سے گزرا

پھر وہی پیا س کی کہانی تھی
جب میں نہرِ فرات سے گزرا

ہر طرف ایک سی سیاہی تھی
دن سے گزرا کہ رات سے گزرا

زندگی مجھ میں سرسرانے لگی
اس کا آنچل جو ہاتھ سے گزرا

یہ تو اِس دل کا حوصلہ تھا کلیم
جس طرح حادثات سے گزرا

کلیم احسان بٹ

5 مہینے پہلے
کلیم احسان بٹ

کلیم احسان بٹ جلا لپور جٹاں ضلع گجرات میں 5 دسمبر 1964 کو پیدا ہوئے۔ ان کے والد کا نام احسان اللہ بٹ تھا۔ آپ نے اپتدائی تعلیم جلال پور جٹاں میں حاصل کی۔ ایم اے گورنمنٹ زمیندار کالج گجرات سے کیا اور پنجاب یونیورسٹی سے گولڈ میڈل حاصل کیا۔ آپ کی اب تک سات کتابیں شائع ہو چکی ہیں جن میں سے تین شاعری کی ہیں۔ تفصیل حسب ذیل ہے 1۔گجرات میں اردو شاعری۔گجرات کی 444سالہ علمی و ادبی تاریخ 2۔ موسم گل حیران کھڑا ہے شاعری 3۔ ابر رحمت جلد اول تحقیق 4۔ ابر رحمت جلد دوم تحقیق 5۔ چلو جگنو پکڑتے ہیں شاعری 6۔ تفہیم و تحسین تنقیدی مضامین 7۔ حیرت باقی رہ جاتی ہے

تبصرہ چھوڑیں

متعلقہ اشاعتیں