زمرے: اردو غزلیاتاکرام عارفیشعر و شاعری

پہلے پہلے بلایا گیا ڈاکیہ

اکرام عارفی کی ایک اردو غزل

پہلے پہلے بلایا گیا ڈاکیہ
پھر کئی بار آیا گیا ڈاکیہ

کچے رستوں سے نکلا تو خط گر پڑے
ایک پتھر سے ٹکرا گیا ڈاکیہ

لوگ دیوار و در سے لپٹنے لگے
ایک دن گاؤں میں آ گیا ڈاکیہ

کچے گھر کی پہنچ سے بہت دور تھا
باد و باراں سے گھبرا گیا ڈاکیہ

دل پہ دستک سنائی نہ دی پھر کبھی
آنکھ سے دور ہوتا گیا ڈاکیہ

ہاتھ ملتی رہی خواہش خواندگی
جو بتایا وہ لکھتا گیا ڈاکیہ

آخری خط لیے آخری موڑ پر
آخری بار دیکھا گیا ڈاکیہ

اکرام عارفی

1 مہینہ پہلے
سائٹ منتظم

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

تبصرہ چھوڑیں

متعلقہ اشاعتیں