خدا کی پاک سر زمین پر
تمام لوگ تھے مگن فضولیات میں
کوئی کسی فریب میں
کوئی کسی وبال کی لپیٹ میں
نظامِ زندگی کاکوئی حال ہی نہ تھا
خدا کو ماننے کا تو سوال ہی نہ تھا
مگر!!
خدا کے نام سے جڑا تھا جن کا نام، آگئے
ہراک نبی، ہراک رسول کے امام،آگئے
بلند سے بلند تر مقام جن کا،آگئے
عظیم سے عظیم تر کلام جن کا،آگئے
خدا کی عظمتیں بیان کیں
خدا کو لوگ جاننے لگے
خدا کو لوگ ماننے لگے
ستم زدہ قلوب کو قرار دے دیا حضورؐ نے
خدا قسم خدائی کو نکھار دے دیا حضورؐ نے
سہیل احمد صمیم