میرا نام ڈاکٹر محمد اعظم رضا تبسم ہے۔ میں ایک معلم، محقق، کالم نگار اور مصنف ہوں۔ گزشتہ تقریباً دو دہائیوں سے شعبۂ تدریس سے وابستہ ہوں اور 2006ء سے باقاعدگی کے ساتھ مختلف سماجی، تعلیمی، اخلاقی، ادبی، فکری اور عوامی موضوعات پر لکھ رہا ہوں۔الحمدللہ اب تک میری چالیس سے زائد کتب شائع ہو چکی ہیں، جبکہ میرے مضامین اور کالم مختلف اخبارات، رسائل اور ڈیجیٹل پلیٹ فارمز پر بھی شائع ہوتے رہے ہیں۔ میں اس وقت بھی معاشرے سے متعلق اہم اور عصری موضوعات پر مسلسل قلمی خدمات انجام دے رہا ہوں۔ اس کے ساتھ ساتھ میں پی ایچ ڈی کا اسکالر بھی ہوں، اور میری کوشش رہتی ہے کہ میری تحریروں میں تحقیق، اعتدال، سادگی اور عوامی افادیت کا امتزاج ہو۔ پنجاب کالج راولپنڈی میں لیکچرر ہوں ،الحمد للہ میرے طلبا اور قارئین کی ایک بڑی تعداد میرے سوشل میڈیا اکاونٹس پر مجھے پڑھتے ہیں ۔