اے محبت تو مجھے جینے کی آشا دیتی
زندگی یوں نہ مرے ہاتھ میں کاسہ دیتی
تو نے الفت کے تقاضوں کو نبھایا ہوتا
وار کر خود کو محبت بے تحاشہ دیتی
شہر غربت نے جنہیں بخشی ہے وحشت، اے کاش
کوئی بستی انہیں خوشیوں کا بچھونا دیتی
آتا ہے تم کو ہی مفلس کا تماشا کرنا
میں جو ہوتی تو انہیں منہ کا نوالہ دیتی
ہیں جو مامور حفاظت پہ سپاہی اپنے
رات دن ، ان کو دعاوں کا خزانہ دیتی
چھوڑ جانی ہے جب اک روز یہ دنیا رانی
زہر نفرت سے بھرا میں کسے پیالہ دیتی
روبینہ صدیق رانی