زمرے: آپ کا سلاماردو غزلیاتڈاکٹر عرفان احمد بیگشعر و شاعری

وطن کے عشق میں بدعت نہیں کی

ڈاکٹر عرفان احمد بیگ کی ایک اردو غزل

وطن کے عشق میں بدعت نہیں کی
پرندے تھے مگر ہجرت نہیں کی

تحیر، ایسا کہ سکتے میں سب تھے
بہادر لوگ تھے جرات نہیں کی

وطن تیری محبت کا جنوں تھا
کسی بھی شے کی پھر چاہت نہیں کی

صبا نے روٹھ کر جب حبس اوڑھا
تو پھر پھولوں نے بھی نگہت نہیں کی

پگھل جاتے یہ پتھر کانچ بنتے
مگر جذبوں نے ہی حدت نہیں کی

ہواؤں پہ لکھا سانسوں سے ہم نے
تمارے لمس نے آہٹ نہیں کی

ہمارے درد نے گھنگھرو بجائے
کسی نے رقص کی ہمت نہیں کی

ڈاکٹر عرفان احمد بیگ

1 گھنٹہ پہلے
ڈاکٹر عرفان احمد بیگ

نام۔ ڈاکٹر عرفان احمد بیگ،،تمغہ ء امتیاز،، ولد حسان احمد بیگ پیدائش۔ 12 دسمبر1954 ء کوئٹہ۔۔ تعلیم۔پی ایچ ڈی اردو،، ایم اے سوشل ورک،۔ایم اے ہسٹری۔ ایم اے ایجو کیشن (ریٹائر پر وفیسر محکمہ تعلیم بلوچستان ہائر ایجوکیشن اینڈ کالجز ) وزیٹنگ پروفیسر بلوچستان یو نیو رسٹی کو ئٹہ۔ بیوٹم یو نیو رسٹی کو ئٹہ۔ کالم نگار، تجزیہ نگار، فیچررائٹر، ادیب، شاعر، محقق، ماہرتعلیم، مورخ، روز نامہ۔ مشرق 1975 ء تا 1988 ء۔ روز نامہ جنگ 1988 ء تا 2017 ء روز نامہ ایکسپریس 1918 ء تا حال روزنامہ دن لاہور روز نامہ پاکستان۔ پی ٹی وی۔ ریڈیو پاکستان کو ئٹہ۔ لاہور۔ راولپنڈی۔ اسلام آباد۔پرائیویٹ ٹی وی چینلز شائع شدہ کتب۔۔ تعدا د 18۔ 80 فیصد شائع شدہ کتب ایوارڈ یافتہ انعام یافتہ مکان نمبر 9-14/3 اسٹیورٹ روڈ کو ئٹہ

تبصرہ چھوڑیں

متعلقہ اشاعتیں