منقبتِ مولا علیؓ

از میر حسن

غموں میں بھی مری راحت علیؓ سے ہے
میں سنّی ہوں، مری الفت علیؓ سے ہے

نبی ﷺ نے خود محبت کو سند بخشی
اسی خاطر مری رغبت علیؓ سے ہے

فقیر آیا، دعا دے کر گیا واپس
مری دولت، مری برکت علیؓ سے ہے

لگا پہرا، نبی ﷺ کے گھر علیؓ سوئے
وفا کی اک نئی نسبت علیؓ سے ہے

حسنؔ، خیبر میں جب چمکی علیؓ کی تیغ
شجاعت کی نئی رفعت علیؓ سے ہے

میر حسنؔ

میر حسن

میرا نام حسنؔ ہے، جو کہ میرا ہی انتخاب ہے، تعلق منڈی بہاؤالدین، پنجاب سے ہے۔مادری زبان پنجابی ہے، مگر اردو سے بھی محبت ہے اور احساسات کو شعر میں ڈھالنے کا شوق۔ جو بات زبان کہنے سے رہ جائے، اسے قلم کے سپرد کر دیتا ہوں۔ محبت، ہجر اور زندگی کے اَن کہے احساسات میری شاعری کا محور ہیں۔