- Advertisement -

سمے کی کوکھ سے حیرت کا رنگ اترتا ہے

ایک اردو غزل از ارشاد نیازی

سمے کی کوکھ سے حیرت کا رنگ اترتا ہے
ہوا نگلتے ہوئے جب چراغ جلتا ہے

بھٹکتی صبح کی خوشبو طواف کرتی ہے
منڈیرِ شب سے ندامت کا پھول جھڑتا ہے

سوال کرتے لرزتا ہے دائرہ ء سکوت
صدا اکستی ہے لب پر سفر ادھڑتا ہے

بدن کٹہرے میں عجلت سے جینے والوں کا
اذیتوں کی لپک سہہ کے دم نکلتا ہے

گلوئے خشک , چھلے ہونٹ , پانیوں کی کسک
بوقتِ شام کوئی دشت سے گزرتا ہے

بچھڑنے والے , بتا , وصل کی تمنا میں
پرائے ہجر کا تُو ذائقہ سمجھتا ہے

ادھورے عکس کی حدت کے وہم سے ارشاد
حقیقتوں سے پرے آئینہ بکھرتا ہے

ارشاد نیازی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
پروین شاکر کی ایک اردو نظم