آپ کا سلاماردو غزلیاتشعر و شاعریعمران سیفی

قریب ہے کہ وہ کہہ دے

عمران سیفی کی اردو غزل

قریب ہے کہ وہ کہہ دے کوئی خُدا نہیں ہے
جو مانتا ہے اُسے اس کی مانتا نہیں ہے

یہ عام طور پہ ہوتا ہے عشق کرنے سے
سو جس میں جان گئی ہے وہ حادثہ نہیں ہے

مخالفت کی تو عادت سی ہو گئی ہے سو اب
چراغ کیسے جلاوں اگر ہوا نہیں ہے

تم اپنا خیمہ جلا دینا اپنے ہاتھوں سے
کہ اس سے جنگ اگر ہو تو جیتنا نہیں ہے

اب اسکی آنکھ میں دیکھا کریں گے عکس اپنا
جو آئنے تو بناتا ہے بیچتا نہیں ہے

عمران سیفی

عمران سیفی

میرا نام عمران سیفی ہے میں ڈنمارک میں مقیم ہوں پاکستان میں آبائی شہر سیالکوٹ ہے میرا پہلا شعری مجموعہ ستارہ نُما کے عنوان سے چھپ چکا ہے جو غزلوں اور نظموں پر مشتمل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button