آپ کا سلاماردو شاعریاردو غزلیاتعلی زیرک

پورا جنگل ہی اشتعال میں ہے

ایک اردو غزل از علی زیرک

پورا جنگل ہی اشتعال میں ہے
بھیڑیا ، آدمی کی کھال میں ہے

جھاڑیوں میں کِھلے ہوئے ہیں کنول
اور وہ آنکھ بھی ملال میں ہے

تخت بھی دیکھ اور یہ بھی دیکھ!
تیرا مزدور کیسے حال میں ہے

اپنی بھدی ہنسی کو پاس ہی رکھ
زہر کافی ترے سوال میں ہے

ناؤ کے حجم سے بڑی مچھلی
کیا نحوست ہمارے جال میں ہے

علی زیرک

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button