آپ کا سلاماردو غزلیاتافروز عالمشعر و شاعری

پھیلے ہوئے غبار کا پھر معجزہ بھی دیکھ

ایک اردو غزل از افروز عالم

پھیلے ہوئے غبار کا پھر معجزہ بھی دیکھ

رستے سے جو بھٹک گیا وہ قافلہ بھی دیکھ

میں نے تو آسمان کو ٹھوکر پہ رکھ لیا

ذرے میں کائنات کا یہ زاویہ بھی دیکھ

کب تک تو سارے شہر کو بونا بتائے گا

خود پر بھی کر نگاہ کبھی آئینہ بھی دیکھ

میرے لبوں پہ دیکھ نہ تو خامشی کی مہر

تو اپنی حرکتوں کا ذرا سلسلہ بھی دیکھ

شہر انا میں آئنے کے رو بہ رو ہوں میں

احساس کی نظر سے مرا حوصلہ بھی دیکھ

عالمؔ نئے جہان کی سطوت بیان کر

صدیوں سے جس پہ نور ہے وہ راستہ بھی دیکھ

افروز عالم

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button