آپ کا سلاماردو شاعریاردو غزلیاتعارف امام

مسلسل اشک افشانی سے پہلے

عارف امام کی اردو غزل

مسلسل اشک افشانی سے پہلے
لہو کتنا بہا پانی سے پہلے

یہ دریا خشک ہونے پر تُلا تھا
کسی سقّے کی قربانی سے پہلے

یہ درگاہِ محبت ہے مری جاں
یہاں سینہ ہے پیشانی سے پہلے

بہت سادہ سا تھا ایماں ہمارا
عقیدوں کی فراوانی سے پہلے

کوئی تصویر ہو کر رہ گیا ہے
یہ دل شیشہ تھا حیرانی سے پہلے

علَم اک اَدھ جلا نیزہ ہؤا تھا
خرابے کی نگہبانی سے پہلے

بلائے بدگمانی رقص میں تھی
بھرے شہروں کی ویرانی سے پہلے

کسے مقدور ہے مصرع لگائے
اجل کے مصرعِ ثانی سے پہلے

ہمارے قاتلوں کا نام لینا
ہماری فاتحہ خوانی سے پہلے

عارف امام

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button