آپ کا سلاماردو غزلیاتشعر و شاعریولی اللہ ولی
میں نہیں پوچھتا سزا کیا ہے؟
غزل بقلم محمد ولی اللّٰہ ولی
میں نہیں پوچھتا سزا کیا ہے؟
یہ بتا دو مِری خطا کیا ہے؟
کاش اُس کو مِرا خیال آئے
مجھ سے پوچھے تجھے ہوا کیا ہے؟
جس کو دیکھو اُسی کا شیدائی
کیا بتاؤں وہ دلرُبا کیا ہے؟
اُس کو معلوم ہی نہیں شاید
آہ کیا چیز ہے؟ دُعا کیا ہے؟
کوئی جینا ہے ایسا جینا بھی
ایسے جینے سے فائدہ کیا ہے؟
یہ بتاؤ کہ کب ملو گے تم
یہ نہ پوچھو مجھے ہوا کیا ہے؟
ولی اللّٰہ ولی
