اردو غزلیاتڈاکٹر صباحت عاصم واسطیشعر و شاعری

موجود جو نہیں وہی دیکھا بنا ہوا

ڈاکٹر صباحت عاصم واسطی کی ایک اردو غزل

موجود جو نہیں وہی دیکھا بنا ہوا

آنکھوں میں اک سراب ہے دریا بنا ہوا

اک اور شخص بھی ہے مرے نام کا یہاں

اک اور شخص ہے مرے جیسا بنا ہوا

سمجھا رہے ہو مجھ کو مرا ارتقا مگر

دیکھا نہیں ہے آدمی پہلا بنا ہوا

اے انہماک چشم ذرا یہ مجھے بتا

چاروں طرف زمین پہ ہے کیا بنا ہوا

کرنے لگا ہے طنز مرے نصف عکس پر

مجھ میں جو ایک شخص ہے پورا بنا ہوا

پہلے کسی کی آنکھ نے پاگل کیا مجھے

اب ہوں کسی نظر کا تماشا بنا ہوا

کھلتی نہیں ہیں تجھ پہ ہی عریانیاں تری

عاصمؔ ترا لباس ہے اچھا بنا ہوا

ڈاکٹر صباحت عاصم واسطی

سائٹ منتظم

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

سلام اردو سے ​​مزید
Close
Back to top button