آپ کا سلاماردو غزلیاتارشاد نیازیشعر و شاعری

کوئی دلاسا , تسلی , اداس لوگوں کو

ارشاد نیازی کی ایک غزل

کوئی دلاسا , تسلی , اداس لوگوں کو
خدا کرے کہ دعا آئے راس لوگوں کو

کہاں رہائی میسر بدن کے پنجرے سے
غبار سینچتے ہم بدحواس لوگوں کو

اگر نہ ختم ہوئی اس زمیں کی عریانی
ادھیڑ دے گا فنا کا لباس لوگوں کو

یہ بیقراری, گھٹن, ہجر کے ہوئے عادی
سکوں ہے گالی اذیت شناس لوگوں کو

کئ دنوں سے اداسی کا پیرہن اوڑھے
بلا رہی ہے سمندر کی پیاس لوگوں کو

پلاؤ زہر حقیقت سے آشنائی کا
کھلاؤ وہم و ندامت کی گھاس لوگوں کو

برہنگی کی ندامت کا ذائقہ چکھ کر
عطا کرے گی لبادہ کپاس لوگوں کو

کسی نے بھیجا ہے اچھے نصیب کا میسج
کہا ہے سینڈ کرو اب پچاس لوگوں کو

کسی پہ کھلتا نہ ارشاد مفلسی کا راز
اگر نہ گھورتا خالی گلاس لوگوں کو

ارشاد نیازی

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button