آپ کا سلاماردو غزلیاتشعر و شاعریمبشر سعید

کس مصیبت میں پڑ گئی ہے ہوا

مبشر سعید کی ایک اردو غزل

کس مصیبت میں پڑ گئی ہے ہوا
زرد پتے اڑا رہی ہے ہوا

دن میں بہتی رہی ہے دریا بیچ
شب کو کپڑے بدل رہی ہے ہوا

دھیان کے سرمئی جزیروں پر
کون ہے، کس کو ڈھونڈتی ہے ہوا؟

جانے کس حبس کے خرابے میں
اپنا سکھ چین کھو چکی ہے ہوا

سب کے رازوں کی ہے خبر اس کو
قریہ قریہ جو گھومتی ہے ہوا

زرد پیڑوں کی اوٹ میں چھپ کر
ایسا لگتا ہے رو رہی ہے ہوا

مبشر سعید

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button