- Advertisement -

کچھ پھول تو غلافِ ملامت میں لگ گئے

ایک اردو غزل از علی زیرک

کچھ پھول تو غلافِ ملامت میں لگ گئے
اور کچھ ہماری قبر کی زینت میں لگ گئے

دو چار ہی ثواب کے حامل کیے تھے کام
اور وہ بھی ایک شخص کی غیبت میں لگ گئے

دو چار خواب تیری سفارش نگل گئی
دو چار زخم تیری حراست میں لگ گئے

تنہائی میں ہوا کا تصرف عذاب تھا
تنگ آ کے اک دیے کی حفاظت میں لگ گئے

کتنی تسلیوں کو فنا لے کے اُڑ گئی
کتنے نفیس بوسے عیادت میں لگ گئے

علی زیرک

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از علی زیرک