- Advertisement -

‏خیال یار نہ آسان لیجیے صاحب

مرزا مقبول احمد کی ایک اردو غزل


‏خیال یار نہ آسان لیجیے صاحب
شب فراق کی کچھ فکر کیجیے صاحب

کشید کرکے بدن کی تمام رعنائی
ہمارے سامنے جی بھر کے پیجیے صاحب

وہ اک نگاہ غلط اور وہ بھی داد طلب
غزل کو آج نیا رنگ دیجیے صاحب

ہے بے حجاب تمنا کہ خدوخال کے بیچ
سخن کی آپ نئی فصل بیجیے صاحب

کوئی حوالہ بھی مقبول معتبر نہ ہوا
تو اس کے حسن کا اندازہ کیجیے صاحب

مرزا مقبول احمد

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
طارق اقبال حاوی کی ایک اردو نظم