- Advertisement -

رات دن پر شور ساحل جیسا منظر مجھ میں تھا

حسن عباسی کی ایک اردو غزل

رات دن پر شور ساحل جیسا منظر مجھ میں تھا

تم سے پہلے موجزن کوئی سمندر مجھ میں تھا

آج تیری یاد سے ٹکرا کے ٹکڑے ہو گیا

وہ جو صدیوں سے لڑھکتا ایک پتھر مجھ میں تھا

جیتے جی صحن مزار دوست تھا میرا وجود

اک شکستہ سا پیالہ اور کبوتر مجھ میں تھا

میں کہاں جاتا دکھانے اپنے اندر کا کمال

جو کبھی مجھ پر نہ کھل پایا وہ جوہر مجھ میں تھا

ڈھونڈھتا پھرتا ہوں اس کو رات دن خود میں حسنؔ

وہ جو کل تک مجھ سے بھی اک شخص بہتر مجھ میں تھا

حسن عباسی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
حسن عباسی کی ایک اردو غزل