آپ کا سلاماردو غزلیاتشعر و شاعرینیل احمد

ہوا سے دوستی ہم کو

نیل احمد کی ایک اردو غزل

ہوا سے دوستی ہم کو نبھانی آتی ہے
اور اک ہتھیلی پہ سرسوں جمانی آتی ہے

سبھی کو جیتنا ہوتا ہے اک کہانی میں
مجھے تو اس سے بھی اچھی کہانی آتی ہے

کبھی تو جوش میں کچھ ہوش ہی نہیں رہتا
یہ وقت آتا ہے، سب پر جوانی آتی ہے

فلک کو ہاتھ پہ اپنے اٹھا کے رکھا ہے
سروں پہ اپنے زمیں بھی اٹھانی آتی ہے

ہماری جیب میں ہے اس جہان کی کنجی
اور ایک انگلی سے دنیا گھمانی آتی ہے

نیل احمد

نیل احمد

ایم فل اردو جاری ہے اور مختلف جامعات میں لیکچرار ہیں، ترجمہ نگار اور شاعرہ ہیں . پہلا شعری مجموعہ فریبِ آگہی منظر عام پر آچکا ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button